На пејачот Дарко Лазиќ му е одреден притвор до 48 часа, по што ќе биде изведен пред судија за прекршоци.

Лазиќ бил запрен од полицијата во Нов Белград, во близина на бензинска пумпа, откако направил прекршок, а во 4 часот бил приведен во Полициската управа на Нов Белград.

Како што дознава Информер, Дарко синоќа бил на прославата на роденденот на познатиот боксер Марко Николиќ. На забавата пристигнал нешто пред полноќ, сам, без својата девојка Барбара Бобак. Пејачот дури го зеде микрофонот во раце и пееше, а на неговата маса беше Душица Грабовиќ, која неодамна ја поврзуваа со организирана проституција заедно со Душко Бањац.

 

View this post on Instagram

 

A post shared by Marko Nikolic (@markonikolic_box)

Лазиќ бил приведен поради пребрзо возење. Тој возел 117 километри на час на местото каде што максимално дозволеното е 80 километри на час.

Направил и тест за дрога, како и алкотест, кој покажал дека е позитивен на кокаин, а му биле измерени 0,91 промили алкохол во организмот.

Со натамошна контрола е утврдено дека на Лазиќ му е одземена возачката дозвола на 18 декември 2013 година.