Унгарската влада го продолжи ограничувањето на цените на храната и горивата до 1-ви октомври, додека ограничувањето на каматните стапки на малопродажните хипотеки останува на сила до крајот на годината, објави премиерот Виктор Орбан во четвртокот.

Инфлацијата во средна и источна Европа дополнително порасна по војната во Украина, влошувајќи ја веќе и онака лошата ситуација со растот на цените по пандемијата на коронавирусот, поради што централните банки во регионот ги зголемија каматните стапки.

Ограничувањата на цените во Унгарија се главната алатка на актуелната влада на Орбан во заштитата на домаќинствата од повисоките животни трошоци, но дури и со тие мерки инфлацијата во мај стана двоцифрена.

Во кусата објава на Орбан на Facebook не се даден дополнителни поединости, што се толкува дека веројатно значи дека ќе се продолжи во сегашната форма.

Националната банка на Унгарија беше принудена во четвртокот дополнителни да ја зголеми својата еднонеделна каматна стапка за да ја зајакне националната валута форинтата, која годинава падна на рекордни ниско ниво во однос на еврото. Засега нема докази дека тоа ја намалило инфлацијата, забележува Reuters.

Владата на Орбан кон средината на ноември одреди ограничување од 480 форинти (околу 1,20 евра) за литар гориво, а во февруари ги ограничи цените на основните прехранбени продукти.

Неодамна поевтините цени на горивата беа ограничени само на автомобилите со унгарски регистрации, што поттикна судир со Европската унија. Во меѓувреме енергетска компанија MOL повика на постепени попуштање на таа мерка.