Репрезентацијата на Франција полесно од очекувањата се пласираше во финалето на Европското првенство, откако во петокот во арената „Мерцедес Бенц“ убедливо ја совлада селекцијата на Полска со резултат 95:54.
Французите за прв пат по 2013 година кога ја освоија титулата обезбедија место во борбата за златниот медал, а нивниот ривал ќе биде подобриот од дуелот меѓу Германија и Шпанија, кој е закажан за вечерва од 8:30 часот.
Избраниците на Винсент Кол го одиграа најдобриот натпревар на првенството во најважниот момент и својот индивидуален квалитет го претворија во тимска сила, па исходот од полуфиналниот дуел никогаш не беше доведен во прашање.
Полјаците секако го заслужија епитетот хит на Евробаскетот, сепак, по елиминацијата на Украина во осминафиналето и Словенија во четвртфиналето, веќе не можеа да го сторат тоа.
Boys just wanna have fun 🤹♂️#EuroBasket x #BringTheNoise
📺 https://t.co/XA74VljBO4 pic.twitter.com/UJmsaiCwBE
— #EuroBasket 2022 (@EuroBasket) September 16, 2022
Франција уште од првата минута ја „стегна“ одбраната, а колку Матеуш Понитка и другарите беа немоќни говори и фактот што во првото полувреме постигнаа само 18 поени. Галските петли на пауза заминаа со 16 поени предност – 34:18.
Сликата на теренот не се промени ниту во вториот дел, а избраниците на Игор Миличиќ доживеаја вистинска катастрофа на крајот. Максималните плус 44 беа на крајот од натпреварот.
Во победничкиот тим сите играчи се запишаа меѓу стрелците, а најефикасен беше Гершон Јабуселе со 22 поени (4/6 за три). Еван Фурние и Ели Окобо додадоа по 10, додека Мустафа Фал имаше 6 поени, 10 скока и 5 асистенции.
Кај Полјаците Еј Џеј Слотер и Михал Михалак запишаа по 9 поени, додека Понитка постигна само 7 со скок и 2 асистенции.
Натпреварите за медал се на програма во недела.
