Шакира првпат проговори за разделувањето од Пике по 12 години, но одлучи да не зборува за неговата врска со многу помлада жена.
Колумбиската пејачка била искрена за тоа колку и било тешко бидејќи нејзината врска со Пике со кој имаат два сина завршила, а за тоа говори во октомвриското издание на магазинот Elle.
-За ова навистина е тешко да се зборува лично, дополнително што е првпат да се осврнувам на таа ситуација во интервју. Останав смирена и само се обидував да ги процесуирам информациите. И да, тешко е да се зборува, особено затоа што се уште поминувам низ тоа, затоа што сум во очите на јавноста, затоа нашето разделување не е обично разделување. И не ми беше само мене тешко, туку и на моите деца, вели Шакира.
Сега веќе поранешниот пар најави разделба во јуни, но се чинеше дека Шакира не го сака тоа. Пике веќе е во врска со 23 годишната ПР студентка Клара Чиа Марти, а многумина се прашуваат како се’ се заврши.
-Мислам дека деталите се премногу приватни за да ги споделам, барем во овој момент. Се е свежо и ново. Можам само да кажам дека се што имав, вложив во тој однос и во своето семејство, додава пејачката.
Зборува и за одлуката да живеат во Барселона во корист на кариерата на Пике, наместо да се преселат во САД што би било најдоброза нејзината музичка кариера.
-И така. Еден од нас двајца мораше да го вложи тој напор и таа жртва. И го направив тоа. Ја ставив својата кариера во втора брзина и дојдов во Шпанија, да го поддржам за да игра фудбал и да освојува титули. И тоа беше жртва на љубовта. Благодарение на тоа моите деца можеа да ја имаат сегашната мајка, а јас со нив да имам неверојатна врска која е нераскинлива и која не одржува. Се трудам од нив да ја сокријам ситуацијата колку можам. Навистина е вознемирувачки за две деца кои се обидуваат да го пребродат разделувањето на своите родители. А понекогаш едноставно чувствувам дека се е ова лош сон и дека во еден момент ќе се разбудам, но не е така.
Она што навистина е разочарување е што гледам дека нешто толку свето и посебно што мислев дека е односот кој го имав со таткото на моите деца, сега се претвори во нешто вулгарно и евтино од страна на медиумите. И се тоа додека мојот татко беше на интензивна нега, јас се борев на разни фронтови, вели Шакира.