ФОТО: Ураганот Иан предизвика историска штета на државата Флорида

Рон ДеСантис, гувернерот на Флорида, ја опиша како историска штетата која ураганот Иан ја предизвика во јужната американска држава. Тој рече дека ќе бидат потребни години за државата да се опорави од ураганот.

Десантис на прес-конференција соопшти дека засега има сомнежи оти две лица станале жртви на стихијата. Тој рече дека ураганот го променил изгледот на голем дел од државата, а на некои места нивото на водата се зголемило за половина метар за неколку часа. – Никогаш не сме виделе вакви поплави, рече тој. Засега се уште е рано да се процени штетата, наведуваат американските медиуми.

epa10214097 A car is submerged in floodwaters in the wake of Hurricane Ian in Orlando, Florida, USA, 29 September 2022. Hurricane Ian came ashore as a Category 4 hurricane according to the National Hurricane Center and is nearing an exit into the Atlantic Ocean on the East Coast of Florida. EPA-EFE/GARY BOGDON

Ураганот вчера попладне по локално време ја погоди државата Флорида како бура од четврта категорија. Тој го погоди копното во југозападниот дел на државата пред да продолжи да напредува кон исток. Потоа ослабе до тропска бура.

epaselect epa10214005 A vehicle sits under a collapsed building in the wake of Hurricane Ian in Fort Myers, Florida, USA, 29 September 2022. Hurricane Ian came ashore as a Category 4 hurricane according to the National Hurricane Center and is nearing an exit into the Atlantic Ocean on the East Coast of Florida. EPA-EFE/TANNEN MAURY

Утрово повеќе од 2,6 милиони домови и деловни објекти на Флорида се без струја од вкупно 11 милиони.

Американскиот претседател Џо Бајден прогласи состојба на значајна природна катастрофа за државата, овозможувајќи да се деблокираат дополнителни федерални средства за погодените области.

Форт Мајерс, Кејп Корал, Пунта Горда, островите во окрузите Ли, Шарлот и Колиер се тешко погодени. Во централно-источниот дел на државата поплавите, исто така беа катастрофални.

epa10214096 A traffic light is bent over on the street in the wake of Hurricane Ian in Orlando, Florida, USA, 29 September 2022. Hurricane Ian came ashore as a Category 4 hurricane according to the National Hurricane Center and is nearing an exit into the Atlantic Ocean on the East Coast of Florida. EPA-EFE/GARY BOGDON

Бурата сега се движи кон Јужна Каролина, а потоа се очекува да се врати над океанот до крајот на денот. Според метеоролозите, Иан може повторно да зајакне.

На Куба, од каде ураганот помина пред да ја погоди Флорида предизвика прекин на електричната енергија во голем дел од земјата, пренесе ТАСС. Голем дел од главниот град Хавана остана без струја, а општинските работници продолжуваат да ги чистат улиците од паднатите дрвја.