Најмалку 34 лица беа повредени денеска кога патнички воз излета од шините јужно од египетскиот главен град Каиро, соопшти Министерството за здравство на Египет.
Во соопштението се посочува дека на местото на несреќата биле упатени 25 амбулантни возила.
Според египетските медиуми, од шините излетале три вагони од возот, кој патувал кон јужната покраина Кена.
Причините за несреќата засега не се познати.
МИА