Општина Аеродром заедно со децата од основните училишта и градинките во среда и четврток (28 и 29 декември) организира новогодишен хуманитарен базар-фест „Подари среќа“ што ќе се одржи на платото зад „Капитол мол“.

Првиот ден, во среда, забавата ќе почне во 12:00 часот со жонглерско шоу на Кристијан Бенито, по што ќе настапи хорчето „Поточиња“, а овој дел ќе биде заокружен со настап на „Aqua Dance“. Од 17:00 часот следува програма за повозрасните. Атмосферата ќе ја загрее диџеј Тодорофф, по што следува Лара Иванова, а за крајот на првиот ден од базар-фестот ќе настапи Викторија Лоба.

Во четврток, програмата ќе почне на пладне со новогодишна претстава со Дедо Мраз. Од 17:00 часот за најмалите следува настап на „Светот на Биби“, потоа публиката ќе ја загрее настапот на Сара Мејс, а целиот настан ќе го затворат Фиц енд Д’ инвизиблс – Студени Нозе грејтест Хитс.

Базар-фестот е од хуманитарен карактер и посетителите ќе можат да донираат со купување новогодишни честитки и рачни изработки на дечињата од градинките и училиштата, а собраните средства ќе бидат донирани за семејствата од социјално-ранливите категории.

Општина Аеродром ги повикува сите граѓани да го посетат базарот, да уживаат во богатата музичка и забавна програма и истовремено од божиќните дрвени куќички да вкусат топол чај, вкусна храна, како македонско греано вино.