Демар Хемлин беше реанимиран на теренот за време на дерби натпреврот во НФЛ лигата меѓу Синсинати Бенгалс и Бафало Билс, а иако неговиот живот беше сериозно загрозен, денеска пристигнуваат најдобри вести од Америка.
Младиот 24-годишен играч на Бафало се струполи на земјата откако имаше дуел со противнички играч на 3-ти јануари, но откако ја доби најважната битка по 20-минутно реанимирање, продолжи да се бори и во болница.
По осум дена минати на интензивна нега, Хемлин денеска добил дозвола да оди на домашно лекување, поради што добил отпусно писмо од болницата во која лежел.
– Ја завршивме серијата на тестови и испитувања, па во договор со сите лекари од тимот, проценивме дека Демар може безбедно да биде ослободен и да се врати во својот дом, од каде ќе ја продолжи рехабилитацијата под надозор на својот клуб, – се вели во соопштението на болницата во Њујорк.
Поради хоророт кој се случи на теренот, натпреварот меѓу Синсинати и Бафало беше прекинат уште во првата четвртина, а НФЛ лигата најави дека истиот нема да се доигрува, или преигрува.