Роман Костомаров, олимпискиот шампион во уметничко лизгање доживеа мозочен удар. Медиумите јавуваат дека претходно му биле ампутирани и рацете и нозете, а шансите да преживее се минимални.
45-годишниот Русин на почетокот на годината заврши во болница на одделот за интензивна нега. Тој бил ставен на респиратор поради тешко воспаление на белите дробови, а наскоро морало да му ги ампутираат нозете поради гангрена. За жал, набрзо пристигнале полоши вести.
За да се спречи ширење на бактерии, морало да му бидат ампутирани и двете раце, а кратко потоа доживеал два мозочни удари, јавуваат руските медиуми.
Тој го освои златниот медал на Олимписките игри во Торино во 2006 година во двојка со Татјана Навка, а двапати го освоија Светското првенство и трипати Европското првенство.
