Илон Маск открил дека секој ден појадува крофни.
Тоа го напишал на Твитер како одговор на објавата на Питер Диамандис, доктор и извршен директор на непрофитната организација „XPRIZE“.
„Шеќерот е отров“, напишал Диамандис, на што Маск одлучил да ги сподели своите прехранбени навики.
Sugar is poison.
— Peter H. Diamandis, MD (@PeterDiamandis) March 28, 2023
„Појадувам крофни секое утро. Сè уште сум жив“, напишал милијардерот под неговата објава.
„Во ред, Илон, дозволи ми да бидам попрецизен. Шеќерот е отров кој делува бавно“, му возвратил докторот.
I eat a donut every morning. Still alive.
— Elon Musk (@elonmusk) March 28, 2023
Фактот дека Маск редовно појадува крофни не изненадува, со оглед на неговите претходни коментари за животните навики.
„Попрво би јадел вкусна храна и би живеел пократко“, изјави милијардерот во поткастот на Џо Роган во 2020 година. Тој додаде тогаш и дека вежба, но признал дека не ужива претерано во тоа.
„Не би вежбал доколку не морав“, изјави Маск во таа прилика.
