Од ден на ден се повеќе паѓаат во вода манипулациите на Ковачевски, со кои залудно проба да го излаже народот, се вели во партиското соопштение на опозициската ВМРО-ДПМНЕ.

-ВМРО-ДПМНЕ јасно стои на своите конзистентни ставови дека уставни измени под бугарски диктат нема да има. Ковачевски кој е домазет во сопствената влада, се уште се нема изјаснето за двата предлози на ВМРО-ДПМНЕ, иако од неговите средби со врвот на СДС помина една недела. Очигледно е дека за предлозите не се одлучува на Бихаќка, туку кај вистинскиот властодржец, а тоа е Али Ахмети. Ковачевски исто така и бега од тв дуел со лидерот на ВМРО-ДПМНЕ, Христијан Мицкоски, од кој се плаши, бидејќи нема што да каже пред македонската јавност и нема како да оправда уште едно предавство кон народот, истакнуваат од ВМРО-ДПМНЕ.

ВМРО-ДПМНЕ нема да да поддржи такво нешто и секогаш ќе ги брани ставовите и мислењата на народот, кои се кристално јасни, а кои на Ковачевски очигледно само не му се јасни, додаваат од опозициската партија.