Вооружени палестински напаѓачи денеска отворија оган во близина на еврејска населба на окупираниот Западен Брег, при што загинаа четири лица.
Израелската армија соопшти дека убила еден вооружен маж и дека продолжува со потрагата по друг, но палестинските власти не ги потврдија овие тврдења.
Во соопштението на израелската служба за итни случаи, беше наведено дека во нападот на Палестинците се ранети уште четири лица.
На Западниот Брег, кој Палестинците го сметаат за дел од своја територија, во последните 15 месеци е забележан пораст на насилството.
Во понеделникот израелските сили убиле шест Палестинци, вклучително и еден тинејџер, а раниле повеќе од 90 за време на рација на Западниот Брег, која ескалирала во вооружен конфликт со Палестинците, во кој биле вклучени и израелски воени хеликоптери.
Поврзани вести
Припадник на терористичката група Хамас: Знаев дека има деца и пукав во вратата, нема разлика меѓу Хамас и ИСИС
Сателитските снимки го откриваат обемот на израелската инвазија – десетици оклопни возила сега на пет километри внатре во територијата
