Македонската женска тениска репрезентација со убедливи 3-0 ја совлада Молдавија и го освои првото место во својата група кое ги однесе во финале во кое ќе играат против Ерменија.
Добриот ден за Македонија го најави Магдалена Стоилковска која со 7-6 и 7-5 ја совлада Даниела Чобану за водство од 1-0.
На 2-0 зголеми Лина Ѓорческа која со 7-5 и 6-3 ја совлада Екатерина Весневскаја. Мечот во двојки беше само за престиж.
А во него Ива Данева и Александра Симева ги победија Лиа Белибова и Арина Гамреткаја со 6-3 и 7-5 за конечен триумф од 3-0 во партии.
Во утрешното финале Македонија ќе игра против Ерменија која беше прва во групата А.
foto: mkd.mk
