Владата на СДС и ДУИ дала дозвола Назиф Дестани, близок до ДУИ да влезе во комцесијата за отворање на рудник во локалитетот Иловица за ископ на бакар и злато, се вели во партиското соопштение на опозициската ВМРО-ДПМНЕ.

-Согласно законските процедури Дестани морал да плати 7 проценти од вредноста на концесијата за да влезе, што значи дека и Ковачевски и Ахмети однапред се договориле со Дестани тој да ги купи уделите на големите светски компании, а потоа да добие дозвола за отворање на Иловоца. Дестани со отворањето на рудникот во Иловица има само желба за зголемување на личното богатство, но не и познавање. Па затоа прашуваме која е сигурноста при ископ на бакар и злато ја нуди Дестани, кој нема ниту еден ден искуство од ископ на минерални суровини, особено не на злато. Ковачевски лаже дека не знаел, а министрите на СДС глумат дека биле излажани. Да гласаш одлука на влада спротивно на интересите и барањата на граѓаните, само поради бизнис интересите на ДУИ, е директно одење против волјата на граѓаните. Поради фактот дека се уште никој од нив не поднел оставка од морални причини и не побарал одговорност за министерот за економија Крешник Бектеши, само говорори дека истите се согласуваат со ваквата одлука која е спротивна од интересите на граѓаните во струмичко. Уште колку вакви штетни одлуки гласале министрите во владата на СДС и ДУИ? Дополнително и тоа што Ковачевски велеше дека на владина седница ќе дискутираат за концесијата и доколку граѓаните не сакаат рудник во Иловица, истиот нема да биде отворен, а вчера воопшто и не станало збор за тоа бидејќи Крешник бил на службено патување, се појасно станува дека Ковачевски и овој пат ќе ретерира од сопствените изјави и ќе ја спроведе наредбата на Ахмети и ДУИ. Ковачевски и Ахмети во државата гледаат исклучиво бизнис интереси за профитирање преку милионски зделки, истакнуваат од опозициската партија.

Ковачевски и Ахмети мора да заминат што побрзо од власт, бидејќи секој ден со владата на СДС и ДУИ, граѓаните губат. Одговорност за ова и за сите други криминали ќе има! Додаваат од ВМРО-ДПМНЕ.