Роберто Баутиста Агут нема да игра на УС Опен. Искусниот шпански тенисер реши да го откаже учеството на последниот гранд-слем турнир сезонава.
Поранешниот светски рекет број 9 нема играно од средината на јули и турнирот во Гштад. Опоравувањето не оди според очекувањата и шпанскиот тенисер и неговиот тим решија да не форсираат брзо враќање на теренот.
Тој нема да биде на теренот следната недела во Винстон-Салем, каде исто така беше пријавен. Местото на Баутиста Агут во ждрепката за УС Опен ќе го заземе 25-годишниот јапонски тенисер Јосуке Ватануки кој е 90. на АТП листата.