Најмалку 160 луѓе загинаа во силните поплави што ја погодија Индија , особено јужниот дел од земјата , каде не престанува да врне силен дожд.
Повеќе од 85.000 луѓе пак се раселени, а спасувачката акција и евакуација и натаму трае. Спасувачки екипи со помош на хеликоптери и чамци евакуираат стотици загрозени семејства.
Властите стравуваат дека бројот на загинати би можел и натаму да расте, посебно поради предупреувањето на државната метеоролошка служба, која издаде црвено предупредување во Керала, и посочи дека дождови може да се очекуваат и во наредните денови.
