Шефот за надворешна и безбедносна политика на Европската Унија Жозеп Борел, денеска оцени дека планираната посета на американскиот претседател Џо Бајден на Израел по нападите на Хамас е „апсолутно неопходна“.
– Посетата на претседателот Бајден е апсолутно неопходна, рече Борел на прес-конференција во Рота во јужна Шпанија, каде што земјите-членки на ЕУ одржуваат заеднички воени вежби.
– Го повикавме Израел да ги спроведе своите одбранбени активности во согласност со меѓународното право, да се отворат хуманитарни коридори за да се донесе помош во Газа и да се заштитат цивилите. Сигурен сум дека тоа ќе биде и пораката што претседателот на САД ќе пренесе, додаде тој.
Бајден утре ќе замине во посета на Израел, каде ќе има средба со премиерот Бенјамин Нетанјаху.
