33 годишниот Даниел Кублбок, поранешната ѕвезда на шоуто „Германија бара ѕвезда“ исчезна од крузерот „АидаЛуна“. Бродот патувал од Хамбург во Њујорк. Постојат докази дека Даниел во неделата околу 5 часот скокнал од палубата.
-Тоа се нашите сомнежи. Му ја пребаравме кабината и востановивме дека исчезнал. На бродот бил приватно, кажал Хансјорг Кунзе, гласноговорник на крузерот.
Според пишувањата на Билд, Кублбок е виден на бродот како носи женска облека како и дека патниците се пожалиле дека правел бука и дека дивеел. Скокнал од бродот во близина на местот на кое потонал Титаник. Според последните објавени фотографии често се шминкал, се облекувал како жена и носел издигната коса, има сомнежи дека можеби ја глумел Кејт Винслет од истоимениот број.
Се претпоставува дека скокнал во делот од Атлантскиот океан меѓу Њуфаунфленд и Лабрадор , па Гренланд. Температурата на морето таму е околу десет степени. Го барала и крајбрежната стража со хеликоптери и авиони. И „АидаЛуна“ на која има околу 2.200 патници и 600 членови на екипажот се вратиле на местото каде пејачот исчезнал и го барале. Денеска е објавено дека потрагата е прекината.
Се поставува прашањето зошто Даниел скокнал од бродот. Неговите пријатели велат дека во последно време тешко се носел со емоциите. Наводно трпел мобинг во училиштето за глума.
Даниел Кублбок е роден во Баварија, а познат стана во 2002 и 2003 година кога во „Германија бара ѕвезда“ го освои третото месо. Во 2014 година се натпреваруваше на Евросонг во Копенхаген, а наредната година настапувал во шоуто „Let’s Dance“.
Во меѓувреме студирал глума и живеел во Берлин и на Палма де Мајорка. За него се пишувало и во 2004 година кога доживеал сообраќајна незгода, кога бил тешко повреден. Бидејќи немал возачка дозвола осуден бил на казна од 25.000 евра и осум часа општо корисно работа.
После тоа настапувал во филм кој е снимел за него. Бил и во Големиот брат, настапувал на телевизија, имал турнеи. Медиумите известуваа дека во 2011 година бил посвоен од страна на милионерка и од тогаш се викал Даниел Кајзер- Кублбок, како и дека во 2013 година му починал постариот брат со кого со години не бил во контакт.
