Во август годинава Bugatti го претстави W16 Mistral и тврдеше дека е најбрзиот кабриолет во светот. Тогаш не беше откриена неговата максимална брзина, но сега и тој податок е познат.

Bugatti W16 Mistral достигнува максимална брзина од 420 км/час и веројатно истата е електронски ограничена. За да постигне брзина од 420 км/час, автомобилот мора да биде во Top Speed мод.

Од компанијата тврдат дека овој хиперавтомобил вреди 5 милиони долари и понатаму е стабилен при големи брзини, благодарение на дизајнот на неговиот дифузор.

Има 8,0-литарски W16 quad-turboо мотор од Chiron Super Sport i рекордерот Super Sport 300+, кој достигна брзина од 490,5 км/час на Volkswagen тест патеката во 2019 година.

Mistral не може да биде близу тој рекорд, но надмина 408,84 км/час, брзина што ја достигна стариот Veyron 16.4 Grand Sport Vitesse во 2013 година.

Брзината наVeyron ја потврдија и независни сведоци, а истото се очекува и за Mistral.