Отстранете ги дамките и масните наслаги брзо и ефикасно.

Масните наслаги кои остануваат на шпоретот и садовите по готвењето се вистинска мака за чистење, а купените средства можат да бидат агресивни кон вашата кожа.

Доколку сакате безбедно и ефикасно средство за отстранување масни наслаги, можете да го направите сами. Еве како!

СОСТОЈКИ:

1,5 дл млака вода
1,5 дл алкохолен оцет
1 лажица детергент за садови
сода бикарбона

НАЧИН НА ПОДГОТОВКА:

Во сад додајте ги сите состојки, па со лажица измешајте додека не се поврзат. Ставете ја течноста во шише со распрскувач.

На дамката прво ставете малку сода бикарбона, а потоа испрскајте ја со мешавината за чистење. Оставете да отстои неколку минути. Со влажен сунѓер за садови истријте ја и отстранете ја дамката. Измијте ја површината или избришете ја прво со влажна, а потоа со сува крпа.