Заедно овој пар има повеќе од два века. Џон Хендерсон наполни 106 години, а неговата сопруга Шарлот 105 години. Според Гинисовата книга на рекорди, оваа брачна двојка во Тексас е најстарата жива двојка во светот.
Џон и Шарлот од Остин во декември ќе слават 80 години заеднички живот, што е живот на просечен Американец, пренесува Си-Ен-Ен.
Двојката се венчала во 1939 година, а тие се запознале во 1934 година додека биле студенти на Универзитетот во Тексас.
Шарлот студирала да стане учителка, а Џон бил дел од фудбалскиот тим.
За Си-Ен-Ен изјавиле дека времињата биле толку тешки што потрошиле само седум долари на хотелската соба што ја изнајмиле за меден месец.
Исто така, треба да се напомене дека Џон е исто така најстариот жив поранешен фудбалер на Универзитетот во Тексас.
Оваа двојка е жив доказ дека љубовта може да го преживее тестот на времето. Тие велат дека љубовта меѓу нив само се зголемувала со текот на годините.
Пред десет години, тие се преселиле во селото Лонгхорн во локална заедница за пензионирање поврзана со универзитетот на кој студирале. Тие се среќни како и секогаш.
Џон сè уште секојдневно вежба, а на прашањето на новинарот на Си-Ен-Ен која е тајната на долг живот и среќен брак, тој одговорил: „Живејте во умереност и бидете љубезни со вашата сопруга“.
A couple in Austin, Texas, has been named the oldest living couple in the world, according to Guinness World Records. John Henderson is 106 and his wife, Charlotte, is 105. On December 15, they will celebrate 80 years of marriage. https://t.co/zrmb1uoC0J
— CNN (@CNN) November 10, 2019
