Жените во 50-тите го организираат полнолетството за деца, но не секој е доволно среќен да има дете пред 30-тата година.

Така Сузи Троклер, секогаш желна да се исполни во најважната улога на светот, стана мајка на речиси 50 години! Таа го роди своето прво дете, девојчето по име Лили, на 29 септември во болницата Кон Мемориал во Северна Каролина.

– Беше нереално. Ние веќе не сме само маж и жена, ние сме мајка и татко – рече Трокслер во соопштението за медиумите од болницата.

Трокслер и нејзиниот сопруг Тони (61) се венчаа во 2008 година и неколку пати се обидоа да добијат дете по природен пат, но не можеа. Пред само две години се одлучија за ин витро оплодување.

По неколку неуспешни обиди, пристигна пандемија на коронавирус и многу клиники за ин витро оплодување беа привремено затворени. Претходно оваа година, на 1 февруари, таа одлучи да се обиде повторно и тоа успеа.

– И еве ја Лили. Тоа беше животно патување – изјавила 50-годишната мајка. Поради возраста, бременоста била ризична, но поминала без никакви тешкотии.

Според Американскиот колеџ за гинекологија и акушерство, „жените кои забремениле подоцна во животот имаат поголем ризик од компликации вклучувајќи прееклампсија и други здравствени проблеми“.

Сепак, желбата да стане мајка била поголема од нејзината грижа за сопственото здравје.

– Знаев дека еден ден ќе станам мајка. Не знаев како тоа ќе се случи, природно, преку процесот на ин витро оплодување или посвојување. Но, знаев дека ќе бидеме родители. Не сакавме да се откажеме. Имавме верба во тоа, сонувавме за дете – додаде Трокслер.

– Од медицински аспект ова беше невозможно, но таа е тука – заклучила новопечената мајка.