Во близина на данскиот брег наводно е пронајдена подморница со која Хитлер избегал во Јужна Америка.
Како што се дознава, станува збор за подморницата У-3523 која припаѓа на класата ХХI, а станува збор за една од првите подморници дизајнирани за продолжен престој под вода, па нејзиниот домет овозможувал непрекината пловидба до Јужна Америка.
Подморницата ја потопил британскиот бомбардер Б-24 на 6 мај 1945 година, оној ден кога сојузниците ја ослободија Данска од нацистичката окупација, а загинаа сите 58 членови на екипажот.
Меѓутоа, целото потопување од тогаш е обвиено со велот на тајната поради неможноста да се пронајде подморницата се развила теорија дека Хитлер ја искористил за бегство во Јужна Америка.
У-3523 е пронајдена недалеку од најсеверниот дански град, 15 километри подалеку од местото кое е означено од британскиот бомбардер.