Финската премиерка Сана Марин се омажи за својот долгогодишен партнер, осум месеци откако што стана шеф на владата во својата земја.
Имено Марин на својот Инстаграм профил напишала дека во саботата се омажила за Маркус Раиконен објавувајќи фотографија со сопругот на која е облечена во невестински фустан држејќи бидермаер во рацете.
Финската влада навела на својот веб сајт дека венчањето се одржало во Кесаранти, официјалната резиденција на премиерот во Финска.
Тие наведоа и дека на свадбената церемонија на 34 годишната премиерка присуствувале семејствата на двајцата и нивните најблиски пријатели.
Парот бил заедно 16 години и има двегодишна ќерка.
Марин инаку е најмладиот премиер во светот, а на функцијата дојде во декември минатата година залагајќи се најмногу за заштита на животна средина.
Инаку многумина следбеници на Инстаграм и се воодушевуваат на премиерката бидејќи користи социјални мрежи, а особено на Инстаграм го објавува целиот свој живот, за разлика од многу политичари кои го кријат само за себе.
Поврзани вести
ТАНЧАРИ ОД ЦЕЛИОТ СВЕТ, НО И НАЈПОЗНАТИОТ РУСКИ РАПЕР: Сепак најголемо внимание на вчерашната свадба во Мериот привлече оваа жена (ФОТО)
СЕ ОЖЕНИ ДЕВИТО: Гостите подзинале кога прочитале каков договор треба да потпишат пред да влезат во ресторанот, но истото важело и за келнерите!
