Валид Маод, кој живее во Тексас, Америка, обожава да патува низ светот и ги посетил сите континенти. Тој ги документира своите авантури од патувањата и ги објавува на социјалните мрежи. Па така, неодамна се пофалил дека бил во Босна и Херцеговина.

Бил изненаден од цената на бурекот

„Овде сум само 1 ден, а веќе многу ми се допаѓа. Морав да го започнам денот со бурек. Посетив над 75 земји и бурекот за 50 центи е една од најдобрите работи што сум ги пробал во мојот живот“, кажал Валид во видеото кое го објавил на „ТикТок“. Јадејќи го бурекот, додал: „Ова ќе го јадам секој ден“.

@waleedexplores Finally made it Bosnia!! So excited to be here 🇧🇦 #solotravel #travelbosnia ♬ original sound – Waleed Maoed – Solo Travel

Го посетил и познатиот Стар мост во Мостар и бил воодушевен од градот и храната. Тој бил изненаден што пицата со пилешко чинела само 4 долари. „Едвај чекам да истражам повеќе за оваа земја“, рекол Валид.

Пробал и ќебапи

Второто утро го започнал со посета на пекарница и повторно останал без зборови колку храна може да се купи за само 3 долари. Тој бил воодушевен и од кафето што го испил со поглед на реката. Како една од предностите на соло патувањето, истакнал дека може да оди каде што ќе посака.

@waleedexplores One of my favorite countries so far 🇧🇦 #solotravel #travelbosnia ♬ original sound – Waleed Maoed – Solo Travel

По Мостар, Валид се упатил за Сараево. Вели дека таму го пробал најубавиот бурек. „Првиот ден овде само јадев и истражував. Отидов на бурек и ова е најдобриот што досега го имам пробано. Конечно ги пробав и ќебапите. Тие се толку добри, неверојатно. Само 2,50 долари за едно од најдобрите јадења со месо кои некогаш сум ги пробал“, биле зборовите на овој тиктокер.

@waleedexplores Finally made it to the capital of Bosnia 🇧🇦 #solotravel #travelbosnia ♬ original sound – Waleed Maoed – Solo Travel

„Една од моите омилени земји досега“, заклучил тој и кажал дека Сараево секогаш ќе има посебно место во неговото срце.