Пролетта е симбол на нов живот, сила, енергија, позитива, па не е ни чудно што за многу имиња асоцираат на ова годишно време. Велат дека името многу влијае врз судбината на детето, па добро е да размислите за него уште во периодот на бременоста.

Ви ги претставуваме некои од најубавите пролетни имиња!

Имиња за девојчиња:

Весна – Старословенска божица на младоста и пролетта, која имала власт над сончевата топлина и обновувањето на природата.

Зора – Старословенска божица на утрото, која му дава сила на сонцето.

Маја – Римска божица на полињата и плодовите која се поврзува со пролетта, а по неа е наречен и петтиот месец во годината – мај.

Аурора – Римска божица на изгрејсонцето.

Ирис – Божицата на виножитото во грчката митологија.

Анастасија – Потекнува од грчкиот збор анастасиас – повторно родена, воскресната, препородена.

Невена, Јасмина, Лилјана, Љубица – Најубавите билки кои цветаат во пролет.

Имиња за момчиња:

Лука – Потекнува од латинскиот збор lucus – шума, дрвја.

Младен – Симболизира вечна младост.

Горан, Зоран, Невен – симболи на пролетта.