Станува збор за спреј што го прскате по вашето лице по шминкањето, со што се фиксирање шминката да остане на место и да трае подолго. Можете да го купите овој одличен и корисен производ, а можете да го направите сами во неколку едноставни чекори и со минимално трошење пари!
За да направите спреј за фиксирање на шминка, ќе ви требаат:
– пластично шише со пумпа за прскање
– дестилирана вода
– растителен глицерин
Начин на подготовка:
Истурете дестилирана вода и растителен глицерин во шишето, во обем од 2/3 од дестилирана вода и 1/3 од растителен глицерин. После тоа, добро протресете и подготвен е за употреба. Испрскајте го веднаш по завршувањето на апликацијата за шминка и можете да го повторувате неколку пати во текот на денот.
НАПОМЕНА: спрејот за фиксирање на шминката најдобро се користи во првите 2 недели, бидејќи тогаш состојките се свежи и имаат максимална ефикасност.
Тајната на домашниот спреј за фиксирање на шминката е во растителниот глицерин. Растителниот глицерин е леплив на допир и во допир со кожата се лепи за шминката, со што се фиксира и не се мачка додека не го измиете лицето. Кога ќе го разредите со вода, лепливоста се намалува, но ефектот останува.
Исто така, нема да имате чувство на затегнатост и лепливост на лицето, бидејќи самата структура на глицерин е лесна и неоптоварувачка за кожата. Растителниот глицерин ќе ја храни и хидрира вашата кожа и ќе ја направи мека и еластична.