Во принцип, запросувањето е голем притисок за мажите, како поради големиот страв од непосакуваниот одговор, така и поради фактот што некако се очекува тој чин да биде гламурозен и многу романтичен.

Имено, еден маж смислил неверојатен начин да ја запроси својата девојка. Тие патувале со авион, а кога девојката отишла во тоалет, момчето ја искористило можноста да клекне на подот и го подготви прстенот, додека патниците требало да држат транспаренти со натпис „Ќе се омажиш ли за мене“?

@mzzgina13‘Love is literally in the Air ❤️❤️♬ original sound – GYNATAE WITH THE TEZZ & TEA

Девојката излегла од тоалетот и запрепастено почнала да вреска кога сфатила за што станува збор, а потоа со воодушевување прифатила да се омажи за него. Следувале овации и аплауз, а патниците овој момент го снимале со своите телефони, додека девојката го гушкала и бакнувала својот иден сопруг.

„Ова е толку романтично“, „Мислам дека ова е уште еден тип на „љубов во воздухот“, но со среќа“, „Ми се допаѓа како патниците учествуваа во сето тоа“, „Тој е толку заљубен во неа“, „Таа буквално остана без зборови“, биле коментарите од корисниците на „ТикТок“, каде и се појавило ова видео.