Кога по големите горештини доаѓа освежување со дожд, на некои им пречи, додека многумина се радуваат на промената на времето.

А ова особено се однесува на оние кои уживаат во мирисот на дождот.

Ако некогаш сте се запрашале зошто го сакаме мирисот на дождот, науката има објаснување!

Дождот содржи геосмин, супстанца која има „земјен“ мирис. Ќе се изненадите што го има и во цвекло, грав, разни видови риби, но и во дожд. Човечкиот нос е исклучително чувствителен на геосмин и може да го открие во неверојатно мали количини.

Според истражувањата, човечкото сетило за мирис е во состојба да ја открие оваа супстанца кога е присутна во само пет делови на билион, што е навистина неверојатно. За споредба, ајкулата може да намириса еден дел од крв во милион, што значи дека човечкиот нос во овој случај е многу пати почувствителен од сетилото за мирис на овој предатор.

Научниците од Технолошкиот институт во Масачусетс го спровеле истражувањето со помош на екстремно брзи камери. Кога врне, а капката удира во порозна површина, се создава мал меур од воздух заробен во течноста.

Потоа, како во чаша шампањ, тие меурчиња лебдат нагоре додека не пукнат и „расфрлаат“ геосмин насекаде.

Значи, ако се прашувате зошто го сакаме мирисот на дожд, знајте дека тоа не е само затоа што конечно пристигна освежувањето. Постојат теории дека сме чувствителни на геосмин затоа што човечките суштества од памтивек го развиле своето сетило за мирис за да препознаат – вода.