Јас не сум ја вработил за јас да барам да си даде отказ. Министерот за економија нема намера да влијае врз својата сестра да го напушти работното место во МЕПСО и покрај повикот на премиерот Заев, роднините на функционерите од власта да си бараат нова работа, објави ТВ Сител.
Заев и денеска го повтори истиот повик, потенцирајќи дека нова работа ќе мора да бараат и роднините на функционерите од ДУИ
И додека Заев бара оставки, нови канцеларии се гланцаат токму за функционерите на ДУИ
Медиумите јавуваат дека во ЕЛЕМ се вработил уште еден член од најтесното семејство на министерот Бектеши а колега ќе и биде и синот на заменик генералниот секретар во Владата, Тахир Хани.
Од опозицијата велат дека епидемијата подеднакво брзо се шири и во СДСМ и во ДУИ
До овој момент откази од работните места најавија синот на пратеникот Горан Мисовски и мајката на портпаролот на СДСМ, Фанија Костадинова. Од работното место кое не било за фалење си заминува и дедото на Кирацовски. Информацијата тој ја објави на социјалните мрежи.
„И покрај тоа што неговиот ангажман беше сосема легален, легитимен и неповрзан ниту со политика ниту со политичари, Привилегии, партизација, непотизам, не се и нема да бидат вредност на СДСМ, не се и нема да бидат моја вредност, сосема спротивно“ – напиша Кирацовски на социјалните мрежи.
Од Владата велат дека вработувањата на роднините на државните функционери ќе ги истражува антикорупциската комисија.
Извор: www.sitel.com.mk