сабота, 18. ноември 2023. Вести денес: 0
home Економија

15 ДЕНА ПРЕД ПРВИ: АД ЕСМ објави оглас на набавка на гас за топланите за период јануари-април

15 ДЕНА ПРЕД ПРВИ: АД ЕСМ објави оглас на набавка на гас за топланите за период јануари-април

ЕСМ Продажба почна постапка за набавка на природен гас за потребите на топланите за греење на градот Скопје за периодот јануари-април.

-Испратени се покани за достава на понуди до активните лиценцирани компании за трговија и снабдување со природен гас во Р. Северна Македонија и повикот е објавен и на веб страната на АД ЕСМ, во делот на ЕСМ Продажба , за деловно информирање на странски компании кои би имале интерес да поднесат понуди.

Целта на повикот е да се изберат квалификувани понудувачи со кои ќе се склучи рамковен договор за потребните количини на природен гас за периодот 01.01-30.04.2023, се вели во соопштението.

Индивидуален договор, месечен или за целиот период, ќе се склучи со квалификуваниот понудувач кој има рамковен договор и најповолна цена за бараниот период.

Се очекува конечен договор за набавка на природен гас да биде склучен кон крајот на декември.