Дали лицето Вилма Русковска да го пријавам кај обвинителката Вилма Русковска? Каде да го пријавам лицето Вилма Русковска за корупција од 4 милиони евра за кои имам несоборливи докази? –праша Бојан Јовановски алијас Боки 13.
Првообвинетиот во случајот „Рекет“ Боки 13 на денешното судско рочиште кажа дека имал несоборливи докази за криминал поврзан со корупција на обвинителката Вилма Русковска вреден четири милиони евра. Поради тоа, побара нејзино изземање од „Рекет“.
Јовановски не образложи за што станува збор, и побара совет од судијката Васка Николовска Масевска каде и како да поднесе пријава за тоа. Кажа дека се обратил до обвинителството, но таму го пренасочиле на судот.
Судијката Николовска Масевска му одговори дека сѐ што има како пријава и докази треба да ги достави во обвинителството.
Поврзани вести
Рускоска: Немав намера да се кандидира за повторна шефица на Обвинителството за гонење организирал криминал, но по природа сум борец!
Рускоска има доверба во колешките дека добро ќе ги сработат предметите „технички предмет“ и „Финансиска полиција“
