До редакцијата на Курир се испратени видеа на кои се гледа како група граѓани од полициско возило зема алишта.
Неофицијално инцидентот меѓу граѓаните и полицијата се случил деновиве во Струмица. Според непотврдени информации откако полицијата претходно им ги одземала парчињата облека, луѓето решиле да си ги вратат назад.
Инцидент со полицијата во Струмица pic.twitter.com/0DDz6WqXKh
— Курир (@KurirMK) February 16, 2022
Хаос во Струмица, полицијата заплени роба, продавачите им ја грабаат од кола pic.twitter.com/BV6NVGAnM4
— Курир (@KurirMK) February 16, 2022
Курир се обрати до МВР за појаснување на настанот, но до овој момент одговор се уште нема.
ДОПОЛНЕТО 13:48 часот со одговор од МВР
Секторот за внатрешни работи Струмица во изминатите месеци континуирано презема мерки за санкционирање на нелегалните продавачи на текстил, кои се поставуваат на тротоарите од булеварите „Ленинова“ и „Маршал Тито“ во Струмица, со што вршат узурпирање на сообракајни површини.
Ваква активност во координација со ДПИ била преземена и на 15.02.2022 година на булевар „Маршал Тито“ во Струмица, при што била одземена текстилна стока од такви продавачи на текстил, но групата продавачи презеле дејствија со цел насилно да ја одземат стоката. Секторот за внатрешни работи Струмица презеде мерки за утврдување на идентитетот на сите лица учесници во настанот и против нив ќе биде поднесена кривична пријава поради кривично дело „учество во толпа што ќе спречи службено лице во вршење на службено дејствие“ по чл. 384 од Кривичниот законк.
Преземањето на вакви мерки и активности беше еден од заклучоците донесени на претходните седници на Локалниот совет за превенција во Струмица и СВР Струмица во координација со Држaвен пазарен инспекторат и во иднина ќе продолжи со истите со цел санкционирање на ваквите нелегални продавачи кои вршат и узурпирање на сообракајни и јавни површини.
