Државниот секретар во Министерството за надворешни работи на Кралството Норвешка, Аудун Халворсен денеска и утре ќе престојува во посета на Република Македонија на покана на државниот секретар во македонското МНР, Виктор Димовски.
Како што соопшти МНР, на средбата ќе се разговара за билатералната соработка и натамошното унапредување на односите во сите сфери од заемен интерес, како и за чекорите кон што поскоро интегрирање на Република Македонија во НАТО и Европската унија.
За време на посетата на Македонија Халворсен утре ќе оствари средба и со вицепремиерот задолжен за европски прашања Бујар Османи.
Како што соопшти Секретаријатот за европски прашања, по средбата на Османи и Халворсен ќе биде потпишан договор за соработка помеѓу Министерството за надворешни работи/Амбасадата на Кралството Норвешка и УНОПС – Канцеларијата за услуги на проекти на ОН.
МИА