Во Собранието на Република Македонија денеска две последователни седници ќе одржи Комисијата за здравство.
Единствена точка на дневниот ред на првата седница е Предлог-законот за реализација на проектот „Нов Универзитетски клинички центар“ за изградба и ставање во употреба на комплекс на градби, по скратена постапка во второ читање.
На втората седница членовите на Комисијата за здравство ќе расправаат за предлог законите за изменување и дополнување на Законот за здравствената заштита, и за изменување на Законот за здравственото осигурување, и двата по скратена постапка во второ читање.
