Градоначалникот Стојкоски со апел до жителите на Ѓорче Петров.

Имено тој преку статус на Фејсбук повика граѓаните да го пријават отпадот или градежниот шут и да не го фрлаат пред контејнерите.

-Денес во координирана акција со ПСОН Ѓорче Петров беа затекнати повеќе лица со моторни возила како го прекршуваат законот за јавна чистота.

Против истите ќе бидат поднесени соодветни пријави и казни.

Грдите слики покрај контејнерите се резултат на несоодветно одлагање на кабастиот отпад.

Правиме максимални напори со Комунален пункт на Општина Ѓорче Петров за ваквите слики да бидат минато и потребна е поголема вклученост од целата заедница.

Доколку имате кабаст отпад или градежен шут за одлагање услугата може да ја добиете од КХС на телефонот 📞 0800 222 33

Користете услуги само од лиценцирани субјекти кои отпадот го одлагаат на места одредени за тоа, стои во неговиот пост на Фејсбук.