Претседателот на државата, Ѓорге Иванов, заедно со својата сопруга Маја Иванова утрово беа на литургија во Соборниот храм во Скопје.
По завршувањето, Иванов во кратка изјава за медиумите, ја честиташе Новата година, како и празникот Божиќ.
-На верниците им го честитам Божиќ со поздравот Христос се роди-Вистина се роди. Се што посакувам за себе и своето семејство, посакувам за сите. Многу здравје, среќа и успеси. Како што сме сплотени за празниците, такви да сме целата година. Најмногу да си ја сакаме Македонија, рече Иванов.
