Собрани се потписи од 61 пратеник, но бидејќи е доцна и службите во Собранието веќе не работат, истите утре ќе бидат доставени, по што ќе се гласа недоверба на Владата, јавува собранискиот известувач на ТВ21.
Вечерва во Собранието, средба имаа лидерите на ВМРО-ДПМНЕ, Беса, Алијанса за Албанците, Алтернатива и Левица кои договорија ново парламентарно мнозинство.
Откако ќе бидат доставени потписите, во рок од три дена треба да се одржи седница на која доколку има парламентарно мнозинство ќе биде изгласана недоверба на Владата.
Со изгласувањето недоверба, паѓа цела Влада, а потоа започнувата да течат роковите каде што главната улога ја има претседателот на државата Стево Пендаровски.
