Премиерот Димитар Ковачевски по денешниот увид на активностите на терен за изградба на делницата Крупише-Кочани од експресниот пат Кочани-Штип од страна на новинарите беше прашан како го коментира потегот на бугарскиот премиер Кирил Петков со вчерашната објава на фотографијата од Минхенската безбедноста конференција каде го нема делот од Ковачевски.
Тој на тоа упати на изјавата од прес-службата на бугарската Влада дека се работи за ненамерен пропуст, истакнувајќи оти верува во продолжување на успешната комуникација и во иднина.