Али Ахмети лидерот на ДУИ сака својот неуспех во владите на Македонија да го прикрие со национализам и секогаш е така. Тоа што вчера се случи со отворањето на 20 метарскиот споменик не е ништо други туку газење на достоинството на Македонецот и понижување и деградација на самите Албанци. Ахмети ја понижува нивната интелигенција, наместо да промовира проекти, промовира национализам, изјави за „Што не јасно“ на Алфа, пратеникот од ВМРО-ДПМНЕ, Драган Ковачки.

Ковачки истакна дека изненадува зошто нема реакција од власта и претседателот како врховен командант на армијата.

– Очигледно е дека станува збор за некаков договор и веројатно власта ќе почека да види мислење на јавноста за да излезе со одреден став. Ако немаше реакции во јавноста немаше да изненади ако еден ден отидеа и се поклонеа на споменикот, рече Ковачки.

Ковачки додаде дека запрепастувачки е што во ова време наместо помирувачки пораки, наместо заеднички јазик, решенија за проблемите кои ги мачат граѓаните тие се занимаваат со национализам кој не носи никому ништо.

– Отвораа споменик во Слупчане, а Арачиново истиот ден чекаше Рамазан бајрам без струја. ДУИ се промовираше како зелена партија, но каде се зелените проекти. Гледаме само национализам и тоа не е добро генерално за Македонија а пристапот со кој Ахмети сака да ги врати изгубените гласови е погрешен. Гласови треба да враќа со проекти, а не вака, изјави Ковачки.

Ковачки посочи дека сите ја префрлаат одговорноста за споменикот, но факт е дека таа лежи во институциите, не може некој да гради споменици, тие да се прогласуваат за ненадлежни.