Повторно нови дојави за бомби во училиштата. Еве зошто предупредуваме цело време дека во МВР не може да се вработуваат лица со основно занимање каменорезец, или поранешните градоначалници и партиски другари на Оливер Спасовски кои се навикнати на златна лажица и лица кои не поминале безбедносни проверки итн, коментира Драган Ковачки, пратеник и член на Извршниот комитет на ВМРО-ДПМНЕ.

„Дали е појасно зошто цело време алармираме дека Законот за Внатрешни работи што го донесоа СДС, ДУИ и пајтон партиите, со што на Министерот му се дава право да унапредува по 3 (три) скалила одеднаш дека не е добар за институцијата?

Дали е појасно зошто безбедносниот сектор не смее да биде да биде партиска алатка на Оливер Спасовски и СДС и дека сето горенаведено е на штета на безбедноста на граѓаните?

Во МВР нема професионализам, нема лица со соодветни компетенции на вистински места и најважно од се’ – нема одговорност.

МВР е мртво ткиво.

Цели 2 недели не можат да откријат лажен бомбаш кој од лажни адреси, лажно ги паничи децата и граѓаните. Не сакам ниту да замислам како би реагирало МВР во некоја поопасна и посложена ситуација.

Спасовски наместо да се загрижи за својата и неспособноста на кадрите што сам ги поставил, си тера партиска агенда по локални партиски штабови на распаднатиот СДС.

Оставка“ – истакнува Ковачки!