Министерот за правда Кренар Лога оствари средба со амбасадорот на Шпанија, Н.Е Хозе Луси Лозано Гарсија. Министерот Лога и амбасадорот Гарсија ги потврдија одличните билатерални односи помеѓу двете земји и истакнаа дека постои простор и подготвеност од двете страни оваа соработка да се продлабочи и интензивира.
Кралството Шпанија дава јасна и недвосмислена поддршка за што поскоро отпочнување на преговорите на Република Македонија за членство во Европската Унија.
Лога го информираше шпанскиот амбасадор за активностите кои ги презема Министерството за правда во делот на реформите на правосудството, владеење на правото и законодавната агенда од каде наскоро се очекуваат конкретни резултати.
