Во вчерашното Отворено студио на 1ТВ гостуваше министерот за информатичко општество и администрација кој во еден момент посочи дека нема лектор по македонски јазик во своето министерство, а за да има требало да вработи но целта му била да не се трошат парите на вработувања.

„Пред неколку дена бев на една друга телевизија и нема да ја споменам, ме прашуваа дали имате лектор по македонски јазик во МИОА и викам немам. Па знаете ли дека имате законска обврска? И сега треба да вработам, така? И ред на други законски обврски кои што се еве еден пример ви кажувам. Тоа е жива материја, ама каде е одговорното однесување да се следат потребите на институциите, да се следи одливот или да се намали приливот“- додаде Манчевски.

Министерот Дамјан Манчевски изјави дека нема пари за лектор по македонски јазик, а тоа е законска обврска и наместо да вработи и да ја следи регулативата, тој на 14 јануари има распишано конкурс за вработување на 7 (седум) лица на определено време до крајот на тековната фискална 2019 година.

Во самиот оглас се бараат помлади соработници, референти и советници.