Носителот на листа на ВМРО-ДПМНЕ во ИЕ2, Владо Мисајловски, ги посети населените места Јане Сандански и Економија во Ченто.
-Заедно со кандидатите за пратеници во ИЕ2 Жаклина Пешевска, Зоран Коцевски, Дијана Илиевска и Игор Атанасовски ги посетивме жителите на овие населени места, кои се уверени во победата на ВМРО-ДПМНЕ на претстојните парламентарни избори на 15-ти јули. Велат дека е доста од лаги и неисполнети ветувања и дека е потребна обнова. На народот му се потребни повисоки плати, повисоки пензии, капитални инвестиции и се што ќе придонесе за подобро секојдневно функционирање. Веруваат во визијата на ВМРО-ДПМНЕ и токму поради тоа ќе не поддржат заокружувајќи го бројот 14, порача тој.