Министерот за внатрешни работи Наќе Чулев преку социјалните медиуми изрази благодарност до граѓаните кои ги почитуваат одлуките на Владата за ограничување на движењето на граѓаните како една од мерките за справување со корона вирусот.
Во таа насока согласно статистиката на МВР во текот на изминатото деноноќие:
? Вкупно 72 лица не ја почитувале забраната за ограничување на движењето, 2 лица се на возраст до 18 години и 1 лице на возраст над 67 години. Приведени се 59 лица, а за останатите земени се податоци за понатамошно постапување.
? На 88 лица се издадени решенија за изолација, а 55 лица потпишале изјава за самоизолација.
? Во државен карантин се спроведени 4 лица.