Министерот за надворешни работи Бујар Османи вечерва во дебатниот магазин „Click Plus“ на ТВ21 вели дека сите амбасадори имаат инструкции да ги следат одлуките на Европската Унија.
„Знаете дека амбасадорите без мој потпис, моја согласност не можат да објават официјален став. Во врска со украинското прашање на сите сум им дал бланко дозвола за слободно самите да носат одлуки кои ќе бидат во согласност со одлуките на Европската Унија. На ЕУ сега и се верува, тоа е нашата насока и треба да застанеме зад тие одлуки“, порача Османи.
