Министерот за здравство, Венко Филипче за Сител изјави дека од утре си продолжува да важи полицискиот час кој трае од 22 часот до 05 часот наутро. Тој изјави дека доколку дојде до зголемување на бројот на заразени можни се дополнителни построги мерки.
– Врз основа на последните бројки на новодијагностицирани случаи, врз основа на бројот на пациенти кои што се примаат во болниците во изминатите денови и врз основа на бројот на слободни кревети кои што со менаирање и прераспределба во изминатиот период го зголемивме, ставот е дека од утре ќе продолжат да важат истите мерки, како и досега, тоа значи дека останува на сила полицискиот час од 22 до 05 часот наутро, а за евентуална дополнителна рестрикција ќе разговараме во текот на неделата врз основа на тоа што ќе се случува следните денови, истакна министерот.
