Во министерството за труд и социјала денеска се случи нов преседан. Ставот на Санела Шкријељ, заменичката на Рашела Мизрахи со соопштение на медиумите им се претстави како став на министерството за труд и социјала?!

Имено, министерството со официјален допис на шаблон со жиг и лого на МТСП ја демантираше сопствената министерка Рашела Мизрахи. До медиумите пристигна соопштение, непотпишано од никого, но испратено од нејзината заменичка од СДСМ, Санела Шкријељ, во кое се вели дека техничката министерка покажала непознавање на законите.Таа претходно го обвини МТСП дека во минатиот период на министерување на Мила Царовска од 8.500 барања за надоместок за помош и нега на друго лице, решило само 1.500.

Во неумесното соопштение, кое доаѓа од нејзиното министерство обилува со навреди кон неа како „слабото ниво на познавање на законите на техничката министерка“, „воопшто не го прочитала новиот Закон“, „Ако Мизрахи го прочита“ и слично, надалеку и одамна познат вокабулар на партијата од екс Бихаќка. Сето тоа сега претставено како став на МТСП.

Преседанот е уште поголем што тоа доаѓа од самото министерство, што треба да се сфати како официјален став на институцијата која Мизрахи ја води, а не како став на нејзината заменичка од СДСМ Санела Шкријељ, која сега и вака се претставува како министерството, а не како партиски определен заменик кој, според досегашната активност, има улога да го опструира работењето и истрагите на новата министерка.

Загрижувачки и целосно неумесно, „министерството за труд и социјала“ т.е. Санела „ја повикува министерката да не наседнува на текстовите кои и ги пласираат од штабот на ВМРО-ДПМНе“ („е“ со мала изворно, што ја покажува брзината на склепаноста на соопштението).