20.000 вакцини „АстраЗенека“ донација од Грција денес пристигнаа на Скопскиот аеродром. Министерот за здравство и премиерот Зоран Заев ја примија донацијата.
– Денеска од нашите пријатели од Владата на Република Грција ја примивме донацијата од 20.000 дози вакцини Астра Зенека. Оваа поддршка од грчката Влада и грчкиот народ се од голема важност за нас, за што им изразувам благодарност. За време на примопредавањето нè поздрави и премиерот Зоран Заев кој во тој момент се врати од Брисел, напиша на Фејсбук Филипче, кој минатата недела ги најави 20-те илјади дози од Грција, но и 50 илјади дози од Бугарија.
Грција вчера донираше 20 илјади вакцини на „АстраЗенека“ и на Албанија.
