Во Собранието денеска ќе се одржи продолжението на 120 седница, со расправа по повеќе предлог закони и одлуки.
Според дневниот ред објавен на официјалната страница на Собранието, пратениците треба да разгледаат повеќе точки, меѓу кои и Предлог на закон за ратификација на Спогодбата помеѓу Владата на Република Северна Македонија и Советот на министри на Република Албанија зa меѓународен воден транспорт во Oхридското Езеро, Предлог на закон за изменување и дополнување на Законот за железничкиот систем, како и Предлог на закон за изменување и дополнување на Законот за данокот на додадена вредност, по скратена постапка.
